കരയുന്നോ പുഴ ചിരിക്കുന്നോ

ചിത്രം മുറപ്പെണ്ണ് (1965)
ചലച്ചിത്ര സംവിധാനം എ വിന്‍സന്റ്
ഗാനരചന പി ഭാസ്കരൻ
സംഗീതം ബി എ ചിദംബരനാഥ്‌
ആലാപനം കെ ജെ യേശുദാസ്


കരയുന്നോ പുഴ ചിരിക്കുന്നോ
കരയുന്നോ പുഴ ചിരിക്കുന്നോ
കണ്ണീരുമൊലിപ്പിച്ചു കൈവഴികൾ പിരിയുമ്പോൾ
കരയുന്നോ പുഴ ചിരിക്കുന്നോ

ഒരുമിച്ചു ചേർന്നുള്ള കരളുകൾ വേർപെടുമ്പോൾ
മുറുകുന്നോ ബന്ധം അഴിയുന്നോ
മുറുകുന്നോ ബന്ധം അഴിയുന്നോ (കരയുന്നോ..)

കദനത്താൽ തേങ്ങുന്ന ഹൃദയവുമായി
കരകളിൽ തലതല്ലും ഓളങ്ങളേ..
തീരത്തിനറിയില്ല മാനത്തിനറിയില്ല
തീരാത്ത നിങ്ങളുടെ വേദനകൾ
തീരാത്ത നിങ്ങളുടെ വേദനകൾ (കരയുന്നോ..)

മറക്കുവാൻ പറയാനെന്തെളുപ്പം
മണ്ണിൽ പിറക്കാതിരിക്കലാണതിലെളുപ്പം
മറവിതൻ മാറിടത്തിൽ മയങ്ങാൻ കിടന്നാലും
ഓർമ്മകൾ ഓടിയെത്തി ഉണർത്തീടുന്നു. (കരയുന്നോ